【連第一次約會地方都記錯…】
警告各位巴打！千祈唔好睇少女人嘅記性！
佢地平時扮傻豬豬，扮無記性…
其實佢哋個腦，可以記得十幾年前發生過嘅一事一物！
如果呢個世界發明咗時光機，我一定會返去第一次同豆姐約會嗰日！
玩完Durex Filter之後，好彩我都有（？分），豆姐問咗我一個問題：
「你記唔記得，第一次約會我哋去左邊食飯？」
「記得啦～去茶記食宵夜嘛！」
「咁你記唔記得，我嗰日著咩衫？」
「……」
「我連自己上星期著過咩衫都唔記得。」
「但我記得你嗰日著咩衫，廿幾度夏天仲著件裇衫，成頭大汗，走入茶記食宵夜…好難忘。黎吖～你試諗下我著衫。」
豆姐好似鼓勵緊個失憶症病人咁，鼓勵我記返起十四年前嘅當日佢著咩衫。
我好用力去記，好用力好用力，但係我都係唔記得…喂大佬！我記得紀念日已經好叻啦！
之後，豆姐將當日嘅所有細節都記得一清二楚。
「點解咁多年前嘅事，妳可以記得咁清楚？」我。
「因為我間唔中就會諗返起當日發生過嘅事，雖然只係食茶記，雖然你食到滿頭大汗，雖然氣氛一啲都唔浪漫，但我都覺得好開心。」
女人個腦真係好可怕…
佢可以記得清楚晒十幾年前嘅事，仲會將一啲完全唔浪漫嘅事，喺腦海變到好浪漫…
不過咁，為咗唔好再令悲劇重演，我決定喺未來嘅日子，創造更多新約會嘅地方，創造更多甜蜜嘅回憶畀佢。
（細細聲：希望令佢混淆十幾年前嘅回憶）
想睇條片？去我ig story 啦
ig：Bluegodzi
Tag 埋你地一齊玩：
Cherry Au Bocsy Dave Wong
Durex
#durexhongkong #DurexHKchallenge #Getcloserwithdurex
Search